Manba: Mbappe PSJda qoladi
Sport
−
21 may 2022 3922
PSJ hujumchisi Kilian Mbappe kelasi mavsum Fransiya klubida qoladi. Bu haqda juurnalist, insayder Janluka Di Marsio ijtimoiy tarmoqdagi sahifasida xabar berdi.
Manbaga ko‘ra, futbolchi "Real"ning taklifini rad etgan va PSJ bilan shartnomani uzaytiradi. Shuningdek, “Real” prezidenti Florentino Peres “los blancos” futbolchilariga Mbappe Madrid klubiga o‘tmasligini aytgan.
Eslatib o‘tamiz, Mbappe 2017 yilda “Monako”dan ijara asosida PSJga o‘tgan va bir yildan so‘ng parijliklar bilan to‘liq shartnoma imzolagandi. 23 yoshli hujumchi joriy mavsumda Liga 1da 34 ta o‘yinda maydonga tushib, 25 ta gol urdi va 17 ta golli uzatmani amalga oshirdi. Mbappening PSJ bilan amaldagi shartnomasi 2022-yilning 30 iyuniga qadar tuzilgan.
Ma’ruf Abdumalikov
Live
Barchasi