“Mamlakatda xristianlar soni 80 foizga kamaygan”. Papaning Iroqqa tashrifidan maqsad nima?

Rim papasi Fransisk 24 soatdan ko‘proq vaqt davomida Iroqda bo‘lib turibdi. Bu Rim-katolik cherkovi rahbarining mamlakatga birinchi tashrifi hisoblanadi. Pontifik dastlab, mamlakatda hukmronlik qilayotgan Iroq shialarining oliy rahbari – Oyatulloh Ali as-Sistaniy bilan uchrashgan.

Ikki iyerarx zamonaviy dunyoda ta’qib va kamsitishlarni va ularni yo‘q qilish uchun diniy muloqotning ahamiyatini muhokama qilgan. Ali al-Sistaniy, ayniqsa, mamlakat shimolidagi “Islomiy davlat” terrorchilik tashkilotining uch yillik zulmlari va vahshiyliklarida quvg‘in qilingan hamda yo‘q qilingan nasroniylarga sodiqligini pontifikga ishontirgan.

2000 yillarning boshlari bilan taqqoslaganda, Iroqda xristianlar soni 80 foizga kamaydi. Pontifikning ushbu tashrifining asosiy vazifalaridan biri bu katolik va pravoslavlar kabi nasroniylarni qo‘llab-quvvatlashdir.

Fransisk uchun nihoyatda muhim bo‘lgan dinlararo muloqot ham ushbu tashrifning asosiy vazifalaridan biridir. Papa dinlararo uchrashuvni ramziy joyda – tarixiy Ur shahri hududida olib bordi, u yerda afsonalarga ko‘ra, ruhiy ajdod deb hisoblangan Injil payg‘ambari Ibrohim (musulmonlar orasida – Ibrohim payg‘ambar) tug‘ilgan.