Maktablarda o‘quv yuklamalari kamaytirildi

O‘zbekistondagi maktablarda o‘quv yuklamalari kamaytirildi. Bu bo‘yicha sanitariya-epidemiologik normalariga kiritilgan o‘zgartirishlarda belgilandi.

Haftalik o‘quv yuklamasining maksimal darajasiga bo‘lgan gigiyenik talablar quyidagicha belgilandi:

1-sinflar uchun – darslar kuniga 4 soatdan va haftada 2 kun 5 soatdan ko‘p bo‘lmasligi kerak (5 soatlik o‘quv kunida jismoniy tarbiya yoki yengil fanlar – texnologiya, tasviriy san’at, musiqa madaniyati, tarbiya fanlari o‘qitiladi). 1-sinflar uchun dars soatlari 1 haftasiga 22 soatdan oshmasligi kerak.

2–4-sinflar uchun – darslar kuniga 4 soatdan va haftada 4 kun 5 soatdan ko‘p bo‘lmasligi kerak (5 soatlik o‘quv kunida jismoniy tarbiya yoki yengil fanlar – texnologiya, tasviriy san’at, musiqa madaniyati, tarbiya fanlari o‘qitiladi);

5–9-sinflar uchun – darslar kuniga 6 soatdan ko‘p bo‘lmasligi kerak;

10-11-sinflar uchun – darslar kuniga 6 soatdan ko‘p bo‘lmasligi kerak;

Bir yil davomida o‘quv haftaligi 1-sinflar uchun – 33 hafta, 2–11-sinflar uchun esa 34 haftadan oshmasligi lozim.