Maktabgacha va maktab ta’limi vaziriga o‘rinbosarlar tayinlandi

Prezident qarori bilan Maktabgacha va maktab ta’limi vazirligi rahbariyat tarkibida ham bir necha o‘zgarishlar amalga oshirildi. Bu haqda O‘zA xabar berdi.

Qarorga ko‘ra, Usmon Sharifxo‘jayev Maktabgacha va maktab ta’limi vazirining birinchi o‘rinbosari, Temurjon Komilov, Dilshod Kenjayev, Uzoqboy Begimqulov esa vazir o‘rinbosari lavozimiga tayinlandi.

Alisher Ubbiyev vazirlik huzuridagi Ixtisoslashtirilgan ta’lim muassasalari agentligi direktori lavozimiga tayinlandi.

Shuningdek, bugunga qadar vazirlik tarkibida faoliyat yuritib kelayotgan bir necha amaldorlar boshqa ishga o‘tishi munosabati bilan:

Bahodirjon Anorboyev Maktabgacha ta’lim vazirining birinchi o‘rinbosari lavozimidan;
Nodir Muslitdinov Maktabgacha ta’lim vazirining o‘rinbosari lavozimidan ozod etildi.

Shuningdek, Xalq ta’limi vazirining o‘rinbosarlari Ibrohim Jo‘rayev hamda Vahobjon Rajabov ham boshqa ishga o‘tishi munosabati bilan egallab turgan lavozimidan ozod etilgan.

Eslatib o‘tamiz, Prezident qarori bilan Oliy ta’lim, fan va innovatsiyalar vazirligining rahbariyat tarkibida bir necha o‘zgarishlar amalga oshirildi.