Мактабгача ва мактаб таълими вазирига ўринбосарлар тайинланди

Президент қарори билан Мактабгача ва мактаб таълими вазирлиги раҳбарият таркибида ҳам бир неча ўзгаришлар амалга оширилди. Бу ҳақда ЎзА хабар берди.

Қарорга кўра, Усмон Шарифхўжаев Мактабгача ва мактаб таълими вазирининг биринчи ўринбосари, Темуржон Комилов, Дилшод Кенжаев, Узоқбой Бегимқулов эса вазир ўринбосари лавозимига тайинланди.

Алишер Уббиев вазирлик ҳузуридаги Ихтисослаштирилган таълим муассасалари агентлиги директори лавозимига тайинланди.

Шунингдек, бугунга қадар вазирлик таркибида фаолият юритиб келаётган бир неча амалдорлар бошқа ишга ўтиши муносабати билан:

Баҳодиржон Анорбоев Мактабгача таълим вазирининг биринчи ўринбосари лавозимидан;
Нодир Муслитдинов Мактабгача таълим вазирининг ўринбосари лавозимидан озод этилди.

Шунингдек, Халқ таълими вазирининг ўринбосарлари Иброҳим Жўраев ҳамда Ваҳобжон Ражабов ҳам бошқа ишга ўтиши муносабати билан эгаллаб турган лавозимидан озод этилган.

Эслатиб ўтамиз, Президент қарори билан Олий таълим, фан ва инновациялар вазирлигининг раҳбарият таркибида бир неча ўзгаришлар амалга оширилди.