Makron, Tramp va Zelenskiy Yelisey saroyida uchrashdi (video)

Bugun, 7 dekabr kuni Parijda Ukraina Prezidenti Vladimir Zelenskiy va Fransiya yetakchisi Emmanuel Makron hamda AQSHning saylangan prezidenti Donald Tramp o‘rtasidagi uchrashuv bo‘lib o‘tdi. Bu haqda BFMTV xabar berdi.

Makron, Tramp va Zelenskiy o‘rtasidagi uchrashuv yakuniy bayonotsiz boshlanganidan 20 daqiqa o‘tib yakuniga yetdi. Telekanal ma’lumotlariga ko‘ra, uchrashuv bo‘yicha kelishuv deyarli u boshlanishidan oldin tuzilgan.

Ukraina Prezidentining spikeri Sergey Nikiforovning aytishicha, siyosatchilar 35 daqiqa suhbatlashgan. Suhbat tafsilotlari oshkor etilmagan. Rahbarlar endi qayta tiklangan Notr-Dam soborining ochilish marosimiga boradi.

Qayd etish joizki, saylovoldi tashviqoti paytida Tramp inauguratsiyadan oldin Ukraina mojarosini 24 soat ichida tugatishga, shuningdek, bu mablag‘larni Amerika aholisi ehtiyojlariga yo‘naltirish uchun Kiyevga ko‘p milliard dollarlik yordamni to‘xtatishga va’da bergan edi.

Ma’lumot uchun, AQSHning saylangan prezidenti 2019 yilda yong‘indan keyin qayta qurilgan Notr-Dam soborining ochilish marosimida ishtirok etish uchun Fransiyaga borgan.

Eslatib o‘tamiz, muzokaralar oldidan Donald Tramp ayni damda “dunyo aqldan ozganini” va u buni Fransiya Prezidenti Emmanuel Makron bilan muhokama qilmoqchi ekanini aytgandi.