Макрон, Трамп ва Зеленский Елисей саройида учрашди (видео)

Бугун, 7 декабрь куни Парижда Украина Президенти Владимир Зеленский ва Франция етакчиси Эммануэль Макрон ҳамда АҚШнинг сайланган президенти Дональд Трамп ўртасидаги учрашув бўлиб ўтди. Бу ҳақда BFMTV хабар берди.

Макрон, Трамп ва Зеленский ўртасидаги учрашув якуний баёнотсиз бошланганидан 20 дақиқа ўтиб якунига етди. Телеканал маълумотларига кўра, учрашув бўйича келишув деярли у бошланишидан олдин тузилган.

Украина Президентининг спикери Сергей Никифоровнинг айтишича, сиёсатчилар 35 дақиқа суҳбатлашган. Суҳбат тафсилотлари ошкор этилмаган. Раҳбарлар энди қайта тикланган Нотр-Дам соборининг очилиш маросимига боради.

Қайд этиш жоизки, сайловолди ташвиқоти пайтида Трамп инаугурациядан олдин Украина можаросини 24 соат ичида тугатишга, шунингдек, бу маблағларни Америка аҳолиси эҳтиёжларига йўналтириш учун Киевга кўп миллиард долларлик ёрдамни тўхтатишга ваъда берган эди.

Маълумот учун, АҚШнинг сайланган президенти 2019 йилда ёнғиндан кейин қайта қурилган Нотр-Дам соборининг очилиш маросимида иштирок этиш учун Францияга борган.

Эслатиб ўтамиз, музокаралар олдидан Дональд Трамп айни дамда “дунё ақлдан озганини” ва у буни Франция Президенти Эммануэль Макрон билан муҳокама қилмоқчи эканини айтганди.