Magnus Karlsen futbol klub bilan shartnoma imzoladi
Sport
−
17 may 3512
16-jahon chempioni, jahon reytingi yetakchisi, norvegiyalik grossmeyster Magnus Karlsen Germaniya ikkinchi divizionining “Sankt-Pauli” futbol klubining shaxmat bo‘limi bilan shartnoma imzoladi. Bu haqda klub matbuot xizmati xabar berdi.
Ushbu shartnoma tadbirkor va xayriyachi Yan Henrik Byuttner tomonidan asos solingan Vayssenxaus shaxmat akademiyasi hamda Gamburg klubi shaxmat bo‘limi o‘rtasidagi hamkorlik doirasida imzolangan.
“Men nemis brendining bir qismi bo‘lganimdan xursandman”, deydi Karlsen.
Hamkorlik uzoq muddatga mo‘ljallangan va Magnus Karlsen bilan qo‘shma tadbirlarni o‘z ichiga oladi.
“Sankt-Pauli”ning asosiy jamoasi 2-Bundesliga turniri yakunlanishiga bir tur qolganda 66 ochko bilan turnir jadvalida 1-o‘rinni egallab, Germaniya Bundesligasiga chiqishni uddaladi.
