Livanliklar umidsizlik bilan uyga qaytmoqda – OAV

Isroil va “Hizbulloh” o‘t ochishni to‘xtatishga rozi bo‘lgach, Livanning ko‘chirilgan oilalari uyga qaytishni boshladi. Bu haqda “Al Jazeera” xabar berdi.

Aholining fikricha, ikki mintaqa o‘rtasida kelishuv kuchga kirganidan so‘ng qo‘rquv pasaydi, ammo kelajakka nisbatan xavotir paydo bo‘la boshlagan.

“To‘g‘risini aytsam, men hali ham biror narsa sodir bo‘lishidan xavotirdaman”, deydi livanlik Zaid.

Zaid Bayrutning asosan kam ta’minlangan tumanlaridan biri mahalliy yordam guruhi tomonidan boshqariladigan mehmon uyiga o‘z uylaridan qochib ketgan 650 ga yaqin odamdan biri. U hozir amalda bo‘lgan o‘t ochishni to‘xtatish haqida turli xil fikrlarga ega va uyga qaytish xavfsiz bo‘ladimi yoki yo‘qligiga shubha qiladigan yagona odam emas.

Ko‘pchilik o‘z hayotlarini qayta tiklashga intiladi, lekin ba’zilari uylari va tirikchilik vositalari vayron bo‘lgan, barcha xavfsizlik hissi yo‘qolgan urushdan vayron bo‘lgan mahallalarga qaytishni istamaydi.

“Biz hozir orqaga qaytolmaymiz. Turarjoyimizni tuzatish uchun bizga vaqt kerak. Uyimiz yashashga yaroqlimi yo‘qmi buni bilish uchun besh-olti kun ketadi”, deydi Zaid.

Eslatib o‘tamiz, oldinroq Isroil qurolli kuchlari Livanda sulh bitimini bir necha bor buzganlikda ayblangandi. SAXAL matbuot xizmati Isroil harbiylari Livan janubidagi “Hizbulloh” tashkilotining raketa omborida “terrorchilik harakati”ni aniqlagani, shundan so‘ng ushbu ob’ektga havo hujumi uyushtirilgani haqida xabar bergan. Bu tomonlar o‘rtasida sulh boshlanganidan keyin Livan hududidagi “Hizbulloh” nishoniga birinchi zarba bo‘lgan.

Muhammad Hodiyev