“Lans” Husanov bilan xayrlashdi (video)

Fransiyaning “Lans” klubi o‘zbekistonlik futbolchi Abduqodir Husanov bilan xayrlashuv videosini taqdim etdi.

Ushbu videoda 20 yoshli futbolchining klubdagi ilk kuni, mashg‘ulotlar jarayoni, jamoadagi dastlabki o‘yini va PSJga qarshi o‘yindagi aslida assist deya yozilgan, goli  kabi lahzalari aks ettirilgan.

“Himoyadagi namunali harakatlar va o‘ziga xos ruhiy holatga ega bo‘lgan askar “Artua”ni zabt etdi. Omad tilaymiz, Abduqodir” deyilgan video ostiga.

Ushbu videoga Liga1 rasmiy sahifasi ham munosabat bildirgan.

“Ko‘rishguncha, Abduqodir”, deya yozilgan izohda.

Ma’lumot o‘rnida, Husanov 2023 yilda “Energetik BGU”dan “Lans” safiga 400 ming yevro evaziga kelib qo‘shilgan. U klub tarkibida joriy mavsum barcha musobaqalarda 16 ta o‘yinda maydonga tushib, 1 ta assist amalga oshirdi.

Eslatib o‘tamiz, Toshkent vaqti bilan 20 yanvar kuni 23:00 da “Manchester Siti” O‘zbekiston terma jamoasi a’zosi Abduqodir Husanovni o‘z futbolchisi sifatida tanishtirdi.