Loris “Real”ga taklif qilindi
Sport
−
11 avgust 2023 3032
Angliyaning “Tottenxem” klubi darvozaboni Ugo Lorisda faoliyatini davom ettirish uchun bir nechta variantlar mavjud. Bu haqda futbol jurnalisti Fabris Xokins o‘zining X (sobiq Twitter) sahifasida ma’lum qildi.
Manbaga ko‘ra, Loris xizmatlariga Italiyaning “Latsio” klubi qiziqmoqda. Darvozabonning o‘zi ham Rim klubiga o‘tishga qarshi emas. Qayd etilishicha, “Tottenxem” darvozabon transferi bo‘yicha allaqachon muzokara boshlagan.
Shuningdek, Loris xizmatlari Tibo Kurtua jarohatidan so‘ng “Real”ga taklif qilingan, ammo Madrid klubining short-listida Lorisning nomi keltirilmagan.
36 yoshli Loris o‘tgan mavsumda “Tottenxem” safida barcha turnirlarda 31 ta o‘yinda maydonga tushib, 45 ta gol o‘tkazib yubordi va 9 marta o‘z darvozasi daxlsizligini saqlab qoldi. Uning klub bilan shartnomasi 2024 yilning iyunigacha mo‘ljallangan.
