Ko‘z yoshi bilan quvvatlanadigan linza ixtiro qilindi

Singapurlik olimlar ko‘z yoshi suyuqligi bilan zaryadlanadigan linzalarni ixtiro qildi. Bu haqda “New atlas” nashri xabar berdi.

Professor Li Seok Vu boshchiligidagi Nanyang texnologik universiteti jamoasi uzoq yillardan buyon ko‘rish tizimi kasalliklarini davolash va samaraliroq linzalarni ishlab chiqishda duch kelinadigan muammoning yechimini taqdim etdi. Ushbu linzalar ko‘z yoshi bilan zaryadlanuvchi ultra yupqa batareya bilan jihozlangan va bir muncha mukammal quvvatlanish imkonini beradi. 

“Aqlli kontakt linzalar uchun eng keng tarqalgan batareya zaryadlash tizimi ob’ektivdagi metall elektrodlarni talab qiladi, bu esa inson ko‘ziga zarar yetkazishi mumkin. Ayni paytda, linzalarni quvvatlantirishning yana bir usuli mavjud. Bu induksion zaryadlash usulidir. U xuddi smartfonni simsiz zaryadlash paneli kabi ishlaydi”, dedi tadqiqot bo‘yicha maqolaning birinchi muallifi doktor Yun Jeonghun.

Jamoa taklif qilayotgan alternativ – 0,5 mm yupqa linzali akkumulyatordir. U “suv va glyukoza oksidaza” deb nomlanuvchi ferment qoplamini o‘z ichiga oladi. Yassi, moslashuvchan batareya ko‘z yoshi suyuqligi bilan qoplanganda, ferment bu suyuqlikdagi natriy va xlorid ionlari bilan reaksiyaga kirishib, batareyada elektr zaryadini hosil qiladi. 

Eslatib o‘tamiz, San-Fransiskodagi Kaliforniya universiteti olimlari guruhi odamga muloqot qilish imkoniyatini qaytaruvchi neyroimplant yaratdi.