Kutilmaganda Azar faoliyatini tugatishi mumkin
Sport
−
31 iyul 2023 2791
Belgiyalik taniqli futbolchi Eden Azar faoliyatini 32 yoshida yakunlashi mumkin. Bu haqda AS xabar berdi.
“Real” bilan shartnoma bekor qilinganidan keyin Azar o‘ziga yangi klub topa olmadi. Futbolchi AQSHning “Inter Mayami” va “Molenbek” klublari taklifini rad etdi. Azar 30 iyundan beri erkin agent hisoblanadi.
Qayd etilishicha, Azarning yangi klub topishdagi qiyinchiliklari “Real”da o‘ynagan vaqtida ko‘plab jarohatlar olgani va o‘yin amaliyotining kamligi bilan bog‘liq. Bundan tashqari, futbolchi va uning oilasi Ispaniyada o‘zlarini qulay his qilmoqda va Madridda qolishni istayapti, bu esa belgiyalik futbolchini faoliyatini yakunlashga majbur qilishi mumkin.
Ma’lumot uchun, ortda qolgan mavsumda Azar barcha musobaqalarda 10 ta o‘yinda maydonga tushib, 1 ta gol urdi va 2 ta golli uzatmani amalga oshirdi. “Transfermarkt”ga ko‘ra, futbolchi qiymati 5 million yevroni tashkil etadi.
