Kurtua aybini tan oldi

Sport

−

09 aprel 2025 visibility9014 timer1 daqiqa

“Real”ning belgiyalik darvozaboni Tibo Kurtua “Arsenal” yarim himoyachisi Deklan Raysning Yevropa Chempionlar ligasi 1/4 finali birinchi o‘yinida urilgan ikkita golida o‘zini aybdor deb biladi. Bu haqda Kurtua o‘yindan keyin “Movistar”ga bergan intervyusida aytdi.

“Men jonli devorni yaxshi joylashtirganman, deb o‘yladim. Men odatda qo‘shimcha o‘yinchi qo‘yardim. Buning uchun javobgarlikni o‘z zimmamga olaman, qo‘shimcha o‘yinchi qo‘yishim mumkin edi, lekin Rays to‘pni bu darajada aylantira oladi, deb o‘yladim. Ikkinchi gol esa ajoyib bo‘ldi. Hech qanday xavf bo‘lmaganda ham keraksiz follar ko‘payib ketdi”, deydi Kurtua.

Ma’lumot uchun, “Real” va Londonning “Arsenal” klublari o‘rtasidagi javob uchrashuvi 16 aprel kuni “Bernabeu” stadionida bo‘lib o‘tadi.

Eslatib o‘tamiz, avvalroq Karlo Anchelotti keyingi o‘yinda Realning kombek qilish imkoniyatiga to‘xtalgandi.

Maqola muallifi