Koronavirusga qarshi kurashda Tramp qanday xatoga yo‘l qo‘ydi?

Vakillar palatasi raisi Nensi Pelosi AQSH Prezidenti Donald Trampni koronavirusga qarshi samarasiz kurashda ayblamoqda. Bu haqda u Twitter’dagi o‘z sahifasida yozib qoldirgan.

Uning eslatishicha, Amerika Prezidentining Xitoy bilan chegarani yopish to‘g‘risida qabul qilgan qarori juda yaxshi edi, ammo baribir u yerdan minglab odamlar kelgan. “Agar siz eshikni yopsangiz, uni to‘liq yoping”, degan Pelosi.

7 aprel kuni Tramp Jahon sog‘liqni saqlash tashkiloti (JSST) Xitoy bilan chegarani yopishni maslahat berganini, ammo u bunga rozi bo‘lmaganini ma’lum qilgan edi. Ko‘p o‘tmay, Qo‘shma Shtatlar JSSTni to‘xtatdi.

AQSH va Xitoy o‘rtasidagi chegaralar 2 fevral kuni yopildi. “The New York” gazetasining yozishicha, cheklovlar joriy qilinganidan keyin ikki oy ichida u yerdan baribir 40 mingga yaqin odam kelgan.

So‘nggi ma’lumotlarga ko‘ra, AQSHda 790 mingdan ortiq koronavirus infeksiyasi holati qayd etilgan. 42,2 ming kishi undan vafot etdi, 52,1 ming kishi davolandi.