Konya-2021. Ulug‘bek Rashitov va Zaynab Dayibekova O‘zbekiston bayroqdorlari bo‘ladi

Sport

−

09 avgust 2022 visibility2997

Turkiyaning Konya shahrida bo‘lib o‘tadigan Islom birdamligi o‘yinlarining ochilish marosimida Ulug‘bek Rashitov va Zaynab Dayibekova O‘zbekiston delegatsiyasi bayroqdorlari bo‘ladi. Bu haqda Milliy Olimpiya qo‘mitasi matbuot xizmati xabar berdi.

Bugun, 9 avgust kuni Turkiyaning Konya shahrida V Islom birdamligi o‘yinlarining ochilish marosimi o‘tkaziladi.

Unda O‘zbekiston delegatsiyasini taekvondo bo‘yicha Tokio Olimpiadasi chempioni Ulug‘bek Rashitov va qilichboz Zaynab Dayibekova maydonga boshlab chiqadi.

Eslatma, V Islom birdamligi o‘yinlarining ochilish marosimi 9 avgust kuni soat Toshkent vaqti bilan 22:00 da start oladi.

Ma’lumot o‘rnida, V Islom birdamligi o‘yinlari Turkiyaning Konya shahrida 9-18 avgust kunlari bo‘lib o‘tadi.

Ibrohim Davronov

Maqola muallifi