Kim Chen In Shimoliy Koreya yadroviy qurollarini kuchaytirishga va’da berdi

Shimoliy Koreya rahbari Kim Chen In “dushmanlarning har qanday tahdidlarini oldini olish uchun mamlakatning yadroviy imkoniyatlarini kuchaytirish”ga va’da berdi va yadroviy qurollar sonini eksponent sifatida ko‘paytirish siyosatini barqaror olib borayotganini ma’lum qildi. Bu haqda Koreya markaziy axborot agentligiga tayanib, “Yonhap” xabar berdi.

Nashrga ko‘ra, Kim Chen In hukumat rejimining 76 yilligi munosabati bilan katta partiya va hukumat amaldorlari bilan uchrashuvda nutq so‘zlagan va KXDR yadro quroliga ega bo‘lgan dushman davlatlar tahdidiga qarshilik ko‘rsatish uchun yadroviy kuchlarini izchil mustahkamlashini ma’lum qilgan.

“KXDR o‘zining yadroviy qurolli dushman davlatlari tomonidan qo‘llaniladigan har qanday tahdidli harakatlarga to‘liq dosh bera oladigan yadroviy kuchini barqaror ravishda mustahkamlaydi va davlatning barcha qurolli kuchlarini, shu jumladan yadroviy qurollarni jangga to‘liq tayyorlash uchun chora-tadbirlar va sa’y-harakatlarini ikki baravar oshiradi”, deydi Kim.

Ma’lumot uchun, 2022 yil oxiridagi partiya yig‘ilishida Shimoliy Koreya rahbari eksponent va taktik yadro qurollarini ommaviy ishlab chiqarishga chaqirdi. Shuningdek,  2023 yil sentyabr oyida mamlakat Konstitutsiyasida yadro kuchini mustahkamlash siyosati belgilab qo‘yildi.

Eslatib o‘tamiz, avvalroq Janubiy Koreya va Shimoliy Koreya o‘rtasidagi faraziy urush dunyoga 4 trillion dollarga tushishi xabar qilingan edi.