Kattaqo‘rg‘ondagi qabristonning 1 gektar maydoni yonib ketdi

3-sahifa 7541
image

Kecha, 16 may kuni soat 12:39 da Samarqand viloyati Kattaqo‘rg‘on shahridagi “Oqoltin” MFYda joylashgan “Xalq” qabristonida yong‘in sodir bo‘ldi. Bu haqda viloyati FVB Matbuot xizmati xabar berdi.

Shahar Favqulodda vaziyatlar bo‘limiga xabar kelib tushishi bilan voqea joyiga 2 ta yong‘in-qutqaruv ekipaji jalb etilgan. O‘t o‘chiruvchilar qabristonga soat 12:45 da yetib borgan va soat 13:20 da yong‘in to‘liq bartaraf etilgan.

Yong‘in natijasida qabristonning taxminan 1 gektar maydonida xas-xashak yongan. Hodisa oqibatida halok bo‘lgan va jabrlanganlar yo‘q.

Hozirda tergovga qadar tekshirish ishlari boshlangani aytilmoqda.

Sunnatilla Abdullayev
Maqolaga baho bering
Baholaganlar: 358
Reyting: 3
Teglar
t
×