Karim Benzema “Manchester Yunayted”ga o‘tishi mumkin

Madridning "Real" klubi hujumchisi Karim Benzema  "Manchester Yunayted"ga o‘tishi mumkin. Bu haqda “El Nacional” nashri xabar berdi.

Manbaga ko‘ra , 34 yoshli hujumchi "qizil iblislar"ning qiziqishini ijobiy qabul qilmoqda va ehtimoliy o‘tish masalasini ko‘rib chiqishi mumkin. Biroq fransiyalik futbolchi uchun ustuvor variant "Real" bilan shartnomasini uzaytirish .

Benzemaning amaldagi shartnomasi 2023 yilning yozida yakuniga yetadi. Agar mavsum yakuniga qadar "Qirollik klubi"  bilan yangi shartnoma imzolanmasa , u holda hujumchi "Manchester Yunayted" bilan muzokara olib borishga tayyor.

Qayd etish kerakki, "France Football" nashri talqini bo‘yicha agar Benzema yilning eng yaxshi futbolchisi uchun beriladigan "Oltin to‘p"ni qo‘lga kiritsa, u bilan shartnoma avtomatik ravishda bir yilga uzaytirilishi mumkinligi haqida xabarlar tarqalgandi. Madridning "Real" klubi hujumchisi sovringa asosiy da’vogarlardan biri hisoblanadi. 

Hujumchi 2009 yilda "Lion"dan "Real"ga o‘tgan edi. Uning klub bilan amaldagi shartnomasi 2023 yilning yoziga qadar mo‘ljallangan. “Transfermarkt” portali futbolchini 30 million yevroga baholamoqda.

Ma’lumot o‘rnida, Benzema joriy mavsumda "Real" safida 9 ta o‘yinda maydonga tushi , 4 ta gol urdi va 1 ta golli uzatmani amalga oshirdi.

Mushtariy G‘aniyeva