Карим Бензема “Манчестер Юнайтед”га ўтиши мумкин

Мадриднинг "Реал" клуби ҳужумчиси Карим Бензема  "Манчестер Юнайтед"га ўтиши мумкин. Бу ҳақда “El Nacional” нашри хабар берди.

Манбага кўра , 34 ёшли ҳужумчи "қизил иблислар"нинг қизиқишини ижобий қабул қилмоқда ва эҳтимолий ўтиш масаласини кўриб чиқиши мумкин. Бироқ франциялик футболчи учун устувор вариант "Реал" билан шартномасини узайтириш .

Бенземанинг амалдаги шартномаси 2023 йилнинг ёзида якунига етади. Агар мавсум якунига қадар "Қироллик клуби"  билан янги шартнома имзоланмаса , у ҳолда ҳужумчи "Манчестер Юнайтед" билан музокара олиб боришга тайёр.

Қайд этиш керакки, "France Football" нашри талқини бўйича агар Бензема йилнинг энг яхши футболчиси учун бериладиган "Олтин тўп"ни қўлга киритса, у билан шартнома автоматик равишда бир йилга узайтирилиши мумкинлиги ҳақида хабарлар тарқалганди. Мадриднинг "Реал" клуби ҳужумчиси совринга асосий даъвогарлардан бири ҳисобланади. 

Ҳужумчи 2009 йилда "Лион"дан "Реал"га ўтган эди. Унинг клуб билан амалдаги шартномаси 2023 йилнинг ёзига қадар мўлжалланган. “Transfermarkt” портали футболчини 30 миллион еврога баҳоламоқда.

Маълумот ўрнида, Бензема жорий мавсумда "Реал" сафида 9 та ўйинда майдонга туши , 4 та гол урди ва 1 та голли узатмани амалга оширди.

Муштарий Ғаниева