Kamerundagi yugurish musobaqasi vaqtida portlash yuz berdi
Sport
−
25 fevral 2023 4609
Bugun, 25 fevral kuni Kamerun janubi-g‘arbiy qismida ommaviy marafon ishtirokchilari yugurayotgan yo‘lda bir qator portlashlar sodir bo‘ldi. Hodisa oqibatida 19 nafar sportchi jarohatlandi. Bu haqda “Reuters” xabar berdi.
Qayd etilishicha, bu yil Kamerun tog‘ida tashkil etilgan musobaqada 529 nafar sportchi ishtirok etgan. Yugurish marshrutning bir qismida kichik portlashlar sodir bo‘lgan. Ularning aniq soni noma’lum.
Jarohatlanganlarning uch nafari og‘ir holatda ekanligi ma’lum bo‘ldi. Xavfsizlik xizmati ushbu qo‘poruvchilik harakatlarini mamlakat janubi-g‘arbidagi terrorchilar amalga oshirgan deb hisoblamoqda.
Kamerun tog‘ida o‘tkaziladigan musobaqa birinchi marta 1995 yilda tashkil etilgan. Masofaning uzunligi 38 km. Musobaqalar doimiy tarzda milliy televideniye orqali namoyish etiladi.
Live
Barchasi