Qrim ko‘prigida portlash: avtomobil yo‘li qisman qulab tushdi

Avvalroq Rossiyani Qrim yarimoroli blan bog‘lovchi Kerch ko‘prigida yong‘in boshlangani haqida xabar bergan edik.

Rossiya Milliy aksilterror qo‘mitasi (MAQ) Qrim ko‘prigida yuk mashinasi portlatib yuborilganini taxmin qilmoqda. Bu haqda RIA Novosti xabar berdi.

“Bugun soat 06:07 da Qrim ko‘prigining avtomobil qismida Taman yarimoroli tomonida yuk mashinasi portlatib yuborildi, natijada Qrim yarim oroli tomon ketayotgan temir yo‘l poyezdining yettita yoqilg‘i baki yonib ketdi” deyiladi hisobotda.

MAQ ma’lumotlariga ko‘ra, ko‘prikning ikkita avtomobil qismi qisman qulab tushgan. Ko‘prikning quruqlik qismi ustidagi ark shikastlanmagan.

Qrim hukumatining ma’lum qilishicha, qurbonlar yo‘q. Mintaqa parlamenti rahbari Vladimir Konstantinovning so‘zlariga ko‘ra, yetkazilgan zarar unchalik katta emas, favqulodda holat oqibatlari tez orada bartaraf etiladi. Ko‘prikda harakat to‘xtatilgan, bo‘g‘ozda kemalar harakati davom etmoqda.