Qozog‘istonliklarga Maskning internetidan foydalanishga ruxsat beriladi

Qozog‘iston parlamenti Majilisi (quyi palatasi) mamlakatda Amerikaning SpaceX kompaniyasining Starlink sun’iy yo‘ldosh aloqa texnologiyalaridan foydalanishni qonuniylashtiradigan tuzatishlarni ikkinchi o‘qishda qabul qildi. Majlis parlament saytida namoyish etildi.

Aloqa, raqamlashtirish va axborot texnologiyalari sohasida investitsiya muhitini yaxshilash bo‘yicha qabul qilingan tuzatishlar endilikda Senatga yuboriladi. Yangi qonun bilan  2026 yilgacha geostatsionar bo‘lmagan sun’iy yo‘ldoshlar (Starlink, OneWeb) yordamida aloqa texnologiyalarini joriy etish bo‘yicha maxsus reglament joriy qilinmoqdalar. Tajriba loyihasining huquqiy va texnik rejimi aloqa sohasidagi vakolatli organ va Milliy xavfsizlik qo‘mitasi tomonidan belgilanadi. Bu chekka qishloqlardagi ijtimoiy ob’ektlarni internet bilan ta’minlash imkonini beradi.

Majlis deputati Yekaterina Smishlyayevaning aytishicha, qonunning maqsadlaridan biri bunday xizmatlardan foydalanishning huquqiy modelidir, chunki SpaceX’dan tashqari o‘z sun’iy yo‘ldoshlari bilan shu kabi xizmatlarni taklif etuvchi boshqa xorijiy kompaniyalar ham bor.

Ma’lumot uchun, Starlink – bu amerikalik milliarder Ilon Maskning SpaceX kompaniyasi tomonidan joylashtirilgan global sun’iy yo‘ldosh tizimi bo‘lib, unga maxsus uskunalar orqali ulanish mumkin. Loyihani ishlab chiqish 2015 yilda boshlangan. Uning asosiy maqsadi foydalanuvchilarga chekka hududlarda ham yuqori tezlikdagi keng polosali Internetga kirishni ta’minlashdan iborat. Sinov prototiplari 2018 yilning fevralida, 60 ta prototipli sun’iy yo‘ldoshlarning birinchi guruhi esa 2019 yilning may oyida uchirilgan.

O‘tgan yilning kuzida qozog‘istonliklar mamlakatda SpaceX kompaniyasining sun’iy yo‘ldosh internetiga ega Starlink abonent terminallaridan foydalanish hamon noqonuniy ekanligi haqida ogohlantirilgan. Jismoniy shaxslar buning uchun ogohlantirish, takroriy qoidabuzarlik uchun esa 34,5 ming tenge yoki 75 dollar miqdorida jarimaga tortiladi.