Qozog‘istonda 5 yashar bola mashinada besh kishini bosib ketdi (video)
Olam
−
28 may
11869Qozog‘istonning Jezqazg‘on shahrida mashina rulidagi besh yashar bola bir necha kishini urib yubordi. Bu haqda kecha, 27 may kuni “Orda.kz” xabar berdi.
Qayd etilishicha, hodisa Grand Palace restorani yaqinida yuz bergan. To‘xtab turgan mashinada o‘tirgan besh yoshli bola tasodifan qo‘l tormozini tushirib yuborgan. Oqibatda mashina harakatlanib, odamlarni urib yuborgan.
“Yo‘l transport hodisasi ichki ishlar organlarida qayd etilgan. To‘rt nafar piyoda turli tan jarohatlari olib, shifoxonaga yotqizilgan. Tegishli ekspertiza tayinlandi”, deydi Ulitau viloyati IIB matbuot xizmati.
Sog‘liqni saqlash boshqarmasi ma’lumotlariga ko‘ra, jarohatlanganlar soni besh nafar. Uch nafar ayol ambulator sharoitda davolanmoqda. Bir kishining to‘rt qovurg‘asi singan va ichki jarohatlar bilan travmatologiya bo‘limiga yotqizilgan.
LiveBarchasi