Qozog‘istonda 4 nafar o‘zbekistonlik YTHga uchradi
Olam
−
18 iyul 2019 3005
Joriy yilning 16 iyul kuni Qozog‘istonda yuz bergan yo‘l-transport hodisasida O‘zbekiston fuqarolari jabrlandi. Bu haqda TIV Matbuot xizmati xabar berdi.
O‘zbekistonning Olma-otadagi Bosh konsulxonasi bergan ma’lumotga ko‘ra, Olma-ota-Toshkent-Termiz trassasining 63-km.da Turkiston viloyati hududida YTH ro‘y bergan. YTHda mikroavtobusning 5 nafar yo‘lovchisi voqea joyida vafot etgan.
Vafot etganlardan 3 nafarining shaxsi aniqlanmoqda. Mazkur transport vositasi haydovchisi va 6 nafar yo‘lovchisi, jumladan 4 nafar O‘zbekiston fuqarolari jarohat olgan.
Jarohatlanganlarga tibbiy ko‘rikdan so‘ng sog‘liklari holatining barqaror ekanligi sababli tibbiyot muassasasidan ruxsat berilgan.
Vaziyat Bosh konsulxona tomonidan nazoratga olingan.
Live
Barchasi
