Qozog‘iston Prezidentini tantanali kutib olish marosimi bo‘lib o‘tdi
Jamiyat
−
22 dekabr 2022 4471
Bugun, 22 dekabr kuni Toshkent shahridagi Xalqaro kongress markazida mamlakatda davlat tashrifi bilan bo‘lib turgan Qozog‘iston Prezidentini Qosim-Jomart To‘qayevni rasmiy kutib olish marosimi bo‘lib o‘tdi.
Prezidentlar Shavkat Mirziyoyev va Qosim-Jomart To‘qayev shohsupaga ko‘tarildilar. O‘zbekiston va Qozog‘iston davlat madhiyalari yangradi.
Birgalikda suratga tushish marosimidan so‘ng davlat rahbarlari tor doirada muzokara o‘tkazish uchun mo‘ljallangan zalga o‘tdilar.
Eslatib o‘tamiz, Qozog‘iston Respublikasi Prezidenti Qosim-Jomart To‘qayev kecha, 21 dekabr kuni O‘zbekistonga tashrif buyurgan edi. Uni “Toshkent” xalqaro aeroportida Shavkat Mirziyoyev qarshiladi. So‘ng To‘qayev Bosh vazir Abdulla Aripov hamrohligida “Yangi O‘zbekiston” bog‘iga bordi. Kechki payt davlat rahbarlari “Ko‘ksaroy” qarorgohidagi Faxriylar bog‘iga ko‘chat ekdi.
Live
Barchasi