Qozog‘iston jazirama ichida qoladi
Olam
−
08 iyul 2023
16426Qoraqalpog‘iston Respublikasiga chegaradosh bo‘lgan Qozog‘istonning g‘arbiy qismi hamda mamlakatning markaziy qismida keyingi uch oyda kuchli jazirama ob-havo bo‘lishidan ogohlantirildi. Bu haqda “Kazgidromet” xabar berdi.
Aytilishicha, joriy yilning 8 iyul sanasidan boshlab mamlakatning g‘arbida, 9 iyuldan shimoli-g‘arbida, 10 iyul kuni markaziy qismida havo harorati 43 darajagacha issiq bo‘ladi.
"Ayni paytda Respublikaning sharqiy, shimoli-sharqiy va janubi-sharqiy hududlari yomg‘ir yog‘ishi, momaqaldiroq, do‘l yog‘ishi, kuchli shamol bo‘lishi kutilmoqda. 8 iyul kuni shimoli-sharq va sharqda, 8-9 iyul kunlari esa Respublikaning janubi-sharqida kuchli yomg‘ir yog‘ishi mumkin", deyiladi xabarda.
Eslatib o‘tamiz, kecha, 7 iyul kuni Qozog‘istonning Ostona, Olmaota va 17 viloyatida bo‘ron haqida ogohlantirish e’lon qilingan edi.
LiveBarchasi