Qozog‘iston ham O‘zbekistonga minnatdorlik bildirdi
Sport
−
07 Oktabr 11983
Qozog‘iston futbol federatsiyasi FIFA futzal Jahon chempionatini yuqori saviyada o‘tkazgani uchun O‘zbekistonga minnatdorlik bildirdi. Bu haqda Qozog‘iston futbol federatsiyasi matbuot xizmati xabar berdi.
“Unutilmas Jahon chempionatini tashkil etgan O‘zbekistondan juda minnatdormiz. FIFA tomonidan Markaziy Osiyoda tashkil etilgan ilk rasmiy musobaqalar Toshkent, Andijon va Buxoro shaharlarida o‘tkazildi. Barchamiz tarixiy voqeaning guvohi bo‘ldik. Qardosh yurtning iliq ko‘magi qalblarimizda abadiy qoladi! Katta rahmat!”, deyiladi federatsiya xabarida.
Ma’lumot uchun, musobaqani “D” guruhida boshlagan qozog‘istonliklar yakunda turnirning chorak finaliga qadar yetib borishni uddaladi. Qozog‘iston terma jamoasi musobaqaning nimchorak finalida amaldagi chempion sifatida turnirda ishtirok etgan Portugaliya terma jamoasini mag‘lub etib, chempionatning eng katta sensatsiyasiga sababchi bo‘ldi.
Eslatib o‘tamiz, avvalroq FIFA prezidenti Janni Infantino yuqori saviydagi mezbonlik uchun O‘zbekiston hukumatiga minnatdorlik bildirgani xabar qilingandi.
Live
Barchasi
