Qoraqalpog‘istonimizda tinchlik, og‘zi birchilik bo‘lsin – Mirziyoyev (video)
Jamiyat
−
31 mart 2023
7073Avvalroq, O‘zbekiston Prezidenti Shavkat Mirziyoyev kecha, 30 mart kuni Nukus shahridagi Altin jag‘is mahallasida bo‘lib, sumalak saylida qatnashgani haqida xabar bergan edik. Prezident Matbuot kotibi Sherzod Asadov davlat rahbarining sumalak pishirayotgan ayollar bilan iliq suhbatlashgan videosini e’lon qildi.
Kadrlarda Mirziyoyev sumalak kovlab, ayollar bilan suhbat qurganini ko‘rish mumkin.
Prezidentning qoraqalpoq hayotida o‘zgarishlar bo‘layotganini sezyapsizlarmi, deya bergan savoliga sumalak pishiruvchi ayollar ijobiy javoblar bergan.
“Qoraqalpog‘istonimiz katta- katta muvaffaqiyatlarga erishsin, tinchlik-omonlik bo‘lsin, og‘zi birchilik bo‘lsin”, degan davlat rahbari ayollar bilan suhbatda.
Eslatib o‘tamiz, Shavkat Mirziyoyev Qoraqalpog‘iston Respublikasiga tashrifi chog‘ida Nukusda yashovchi Quo‘anshbay Seytnazarov xonadonida iftorlik qilgandi.