Qoraqalpog‘iston Sog‘liqni saqlash vaziri o‘zgardi
Jamiyat
−
09 noyabr 2020 5315
Murod Ismoilovich Qurbonov Qoraqalpog‘iston Respublikasi Sog‘liqni saqlash vaziri etib tayinlandi. Bu to‘g‘rida O‘zbekiston Sog‘liqni saqlash vazirining tegishli buyrug‘i imzolangan.
Murod Qurbonov bugungacha Respublika ixtisoslashtirilgan onkologiya va radiologiya ilmiy-amaliy tibbiyot markazining Qoraqalpog‘iston filiali direktori vazifasida ishlab kelgan.
Tibbiyot fanlari nomzodi Murod Qurbonov Xo‘jayli tumani tibbiyot birlashmasi bosh shifokori, Respublika onkologiya dispanseri bosh shifokori singari mas’ul lavozimlarda ishlagan.
Avvalroq, O‘zbekiston Sog‘liqni saqlash vazirligi rahbariyatida o‘zgarish bo‘lgandi. Alisher Shodmonov vazirlik rahbari lavozimidan ozod qilinib, uning o‘rniga Abduhakim Xojiboyev vazir etib tayinlandi.
