Isroil Eronning yadro va neft inshootlariga zarba berishi mumkin – WSJ 

Isroil Eronning raketa hujumiga javoban, yaqin kunlarda Islom Respublikasi hududidagi neft va boshqa strategik ob’ektlarga hujum qilishi mumkin. Bu haqda rasmiylar orasidagi suhbatdoshlariga tayanib, “The Wall Street Journal” va “Axios” portali xabar berdi.

Qayd etilishicha, Isroil Eronga o‘z hududiga har qanday hujumga javob qaytarish va yadro yoki neft ob’ektlariga to‘g‘ridan-to‘g‘ri hujum qilish niyati haqida aniq ogohlantirishlar yuborgan. Javob zarbasi Eron hujumining kuchi va Isroilda o‘lganlar sonidan qat’iy nazar beriladi.

Rasmiylarning aytishicha, Isroil Eronning raketa hujumi tufayli bir necha kun ichida "muhim javob zarbasi" beradi. Uning maqsadlari neft qazib olish ob’ektlari va boshqa strategik ob’ektlar bo‘lishi mumkin.

Manbalarga ko‘ra, yahudiy davlati rasmiylari Tehronning harakatlariga javob berishning barcha variantlarini ko‘rib chiqmoqchi. Bular orasida Eron yadro inshootlariga hujumlarni istisno etib bo‘lmaydi.

Shuningdek, maqola mualliflari Isroil Eronning havo hujumidan mudofaa tizimlarini yo‘q qilishga va shaxslarni yo‘q qilishga urinishi mumkinligini ham tan oldi. Biroq yahudiy davlatida bu borada aniq qarorlar qabul qilinmagan, chunki mamlakat rahbariyati Qo‘shma Shtatlar bilan keyingi qadamlarni muhokama qilmoqchi. Amerika rasmiysining aytishicha, Vashington Tehron hujumiga Isroilning javobini qo‘llab-quvvatlashga tayyor. Shunga qaramay, Qo‘shma Shtatlar Isroilga tegishli choralar muvozanatli bo‘lishi kerakligini aytdi.

“The New York Times” gazetasining yozishicha, Eronning aprel oyida Isroil hududini o‘qqa tutishi chog‘ida Tel-Avivning kuchli javobi Eron yadroviy inshootlariga hujumlardan qochish mumkin bo‘lgan va SAXAL havo bazasiga zarba berish bilan cheklangan. Gazetaga ismini oshkor etilmagan amerikalik mulozimlarning aytishicha, endi yana ekstremal ssenariylar, jumladan Isroilning yadroviy inshootlarga zarba berishi ko‘rib chiqilmoqda. Gap xususan Eron yadro dasturining yuragi Netenz shahridagi boyitish inshootlari haqida ketmoqda.

Tehron joriy yilning bahorida Isroil yadroviy inshootlarga hujum qilsa, Eron yadroviy qurol yaratishga majbur bo‘lishidan ogohlantirgan edi.

"Agar sionistik rejim bizning yadroviy inshootlarimizga hujum qilsa, bizning oldini olish siyosatimiz o‘zgaradi", degan edi Eron oliy rahnamosining maslahatchisi Kamol Xarroziy ishontirdi.

Eron 1 oktyabr oqshomida Isroilga yirik raketa hujumi uyushtirdi. Tehron bunga sabab Isroilning Livandagi “Hizbulloh” va Falastinning HAMAS guruhlari nishonlariga bergan zarbalari, shuningdek, ular yetakchilarining o‘limi bilan izohladi. Tehron ko‘zlangan maqsadga erishilganini bildirdi. Isroil rasmiylari o‘qqa tutish muvaffaqiyatli bo‘lgani haqidagi da’volarni rad etib, raketalarning aksariyati urib tushirilganini ta’kidlamoqda. Amerika tomoni ham xuddi shunday baho beradi.

Isroil Bosh vaziri Binyamin Netanyaxu Eronning harakatlarini katta xato deb atadi va uni javobgarlikka tortishga va’da berdi. Uning so‘zlariga ko‘ra, o‘ldirilgan “Hizbulloh” va HAMAS yetakchilari Isroil "o‘zini himoya qilishga va qasos olishga qanchalik tayyor ekanini tushunmagan va Tehronda buni tushunmaydiganlar haliyam bor".