Isroil HAMASning snayper tuzilmalari qo‘mondoni o‘ldirilganini aytdi

Bugun, 10 noyabrga o‘tar kechasi HAMAS shimoliy brigadasining snayper tuzilmalari qo‘mondoni yo‘q qilindi. Bu haqda Isroil armiyasi matbuot xizmati xabar berdi.

"Razvedka ma’lumotlariga ko‘ra, HAMAS shimoliy brigadasining snayper bo‘linmalari boshlig‘i Muhammad Kalout yo‘q qilindi. SAHAL tunda Isroil askarlariga hujum qilishni rejalashtirgan 19 nafar HAMAS jangarisiga zarba berdi", deyiladi bayonotda.

Isroil so‘nggi 24 soat ichida SAXAL tomonidan 7 oktyabrdagi hujumda qatnashgan ko‘plab HAMAS vakillari yo‘qotilganini da’vo qilmoqda.

“Yo‘q qilinganlar orasida rota komandiri Ahmad Muso va vzvod komandiri Umar Al-Hindi ham bor, ularning ikkalasi ham G‘arbiy Jabaliyada edi. Muso Zikim bazasiga bostirib kirgan jangarilardan biri edi. So‘nggi kunlarda u G‘arbiy Jabaliya hududida SAXAL qo‘shinlariga hujum uyushtirgan”, deya qo‘shimcha qilgan Isroil armiyasining matbuot xizmati.

Eslatib o‘tamiz, oldinroq Isroil armiyasining eng yaxshi snayperi Bariba Yarielya o‘ldirilgani xabar qilingandi.