Ispaniyalik futbolchi PSJ bilan shartnoma imzoladi
Sport
−
06 iyul 2023 2900
Fransiyaning PSJ klubi ispaniyalik yarim himoyachi Marko Asensio bilan kelishuvga erishdi. Bu haqda klub Matbuot xizmati xabar berdi.
Manbaga ko‘ra, Asensio bugun, 6 iyul kuni jamoa bilan 2027 yil 30 iyun kuniga qadar mo‘ljallangan shartnomani imzolagan. U yaqinda Madridning “Real” klubini erkin agent sifatida tark etgan edi. Endilikda Asensio faoliyatini vatandoshi Luis Enrike rahbarligida davom ettiradi.
Ma’lumot uchun, Marko Asensio 2022/2023 yilgi mavsumda “qaymoqranglilar” safida 31 ta uchrashuvda maydonga tushib, 9 ta gol va 6 ta golli uzatmaga mualliflik qilgan. Shuningdek, u jamoa bilan 17 ta sovrinni qo‘lga kiritgan.
