“Inter” muddatidan oldin Italiya chempioni bo‘ldi
Sport
−
04 may 1243 1 daqiqa
Kecha, 3 may kuni Milaning “Inter” jamoasi Italiya A Seriyasi 35-tur doirasida “Parma”ni 2:0 hisobida mag‘lubiyatga uchratdi. Shu tariqa milanliklar turnir yakuniga uch tur qolganda mamlakat chempionligini qo‘lga kiritdi.
“Parma”ga qarshi uchrashuvda “Inter” Markus Tyuram va Genrix Mxitaryanning gollari evaziga 2:0 hisobida zafar quchdi.
Ushbu g‘alabadan so‘ng, “Inter” ochkolarini 82 taga yetkazdi va ikkinchi o‘rindagi “Napoli”dan (70 ochko) 12 ochko oldinlab ketdi. “Parma” esa, 42 ochko bilan 12-o‘rinda qolmoqda.
Ushbu chempionlik “Inter” jamoasi uchun o‘z tarixida 21-A Seriya chempionligi hisoblanadi. Bu borada faqat “Yuventus” (36 marta) “neradzurilar”dan oldinda turibdi.
Ma’lumot uchun, o‘tgan mavsum A Seriya chempionligini “Napoli” jamoasi qo‘lga kiritgan edi.
Live
Barchasi
