Ilon Maskning “Yangi Twitter” rejalari xodimlarning ishdan bo‘shashiga sabab bo‘lmoqda

Amerika Qo‘shma Shtatlarining Twitter kompaniyasida ishdan bo‘shashning yangi to‘lqini boshlanadi. Bunga kompaniya rahbariyatining qat’iy talablar va tartibsiz ish rejimi haqidagi gaplari sabab bo‘lgan. Bu haqda “The New York Times” nashri xabar berdi.

Qayd etilishicha, joriy hafta boshida kompaniyaning ijrochi direktori Ilon Mask xodimlarga tanlash imkoniyatini bergan. Ya’ni “Yangi Twitter”ni barpo qilish uchun qo‘shimcha ish va intensiv vazifalarga tayyor bo‘lish yoki ishdan bo‘shatish to‘lovini olib, kompaniyani tark etish mumkin.

Nashrning yozishicha, ikkinchi yo‘lni kompaniyaning yuzlab xodimlari tanlagan. Ular allaqachon Twitter'ni tark etish uchun ariza yozib bo‘lgan.

“The Washington Post” gazetasining xabar berishicha, Mask Twitter xodimlarining o‘zgarishini yuqori intensiv ish soatlari deb ta’riflagan. Uning ta’kidlashicha, faqat ajoyib akademik ko‘rsatkichlargina o‘tish belgisi hisoblanadi.

Eslatib o‘tamiz, joriy yilning 27 oktyabr kuni Mask xuddi shu nomdagi ijtimoiy tarmoqqa egalik qiluvchi Twitter kompaniyasini sotib olish bo‘yicha 44 milliard dollarlik kelishuvni yakunladi. 31 oktyabr kuni Amerika Qo‘shma Shtatlari Qimmatli qog‘ozlar va birjalar komissiyasi ma’lumotlar bazasiga joylashtirilgan hujjatlarga ko‘ra, milliarder direktorlar kengashini tarqatib yubormoqchi. Kompaniya sotib olingandan so‘ng darhol Mask rahbariyatning ayrim a’zolarini ishdan bo‘shatdi va biroz vaqt o‘tgach, xodimlarning deyarli yarmini qisqartirdi.