IIBB ko‘chada qoldirilgan qutilar bo‘yicha ma’lumot berdi
Jamiyat
−
16 avgust 2019 8845
Avvalroq, Toshkent shahri Mirobod tumani “Grand Mir” mehmonxonasi yaqinida noma’lum shaxs tomonidan qog‘oz quti tashlab ketilgani, voqea joyiga IIV, FVV, SSV va Milliy gvardiya xodimlari yetib kelgani haqida xabar bergan edik.
Toshkent shahar Ichki ishlar bosh boshqarmasi mazkur noma’lum qog‘oz quti haqida ma’lumot berdi.
Unda qayd etilishicha, kecha, 15 avgust kuni soat 18:45 da patrul-post xizmati xodimi Mirobod tumani Mirobod ko‘chasidagi 27/11-uy oldida turli o‘lchamdagi egasiz 6 ta qog‘oz quti aniqlagan. So‘ng, Mirobod tumnai IIO FMBning navbatchilik qismiga xabar bergan. Voqea joyiga Ichki ishlar vazirligining portlovchi uskunalarni zararsizlantirish otryadi mutaxassislari zudlik bilan yetib kelgan. Tekshiruv natijasida bo‘sh qutilar 27/11-uyda joylashgan poyafzallar do‘koniga tegishli ekani aniqlangan.
Live
Barchasi
