Huawei va Photomate raqamli quyosh energiyasi bo‘yicha innovatsiyalarni taqdim etdi
Biznes
−
23 may
26232024 yil 17 may Toshkentda Huawei FusionSolar kuni bo‘lib o‘tdi, unda Huawei Digital Power Yaqin Sharq va Markaziy Osiyo mintaqasi uchun raqamli energiya bo‘limi hamda Photomate kompaniyasi qayta tiklanadigan energetikani rivojlantirish bo‘yicha bir qator innovatsion mahsulotlarni taqdim etdi. Tadbirda O‘zbekiston quyosh sanoati vakillari, qayta tiklanadigan energiya manbalarini joriy etish ekotizimi ishtirokchilari va soha mutaxassislari ishtirok etdi.
“Fotoelektr sanoatining jadal rivojlanayotgan bozor istiqbollarini hisobga olgan holda, Huawei Digital Power energetika landshaftini o‘zgartirish, sanoatni muvaffaqiyatli rivojlantirish va O‘zbekistonda yashil kelajakni birgalikda yaratish bo‘yicha hamkorlar bilan faoliyatni mustahkamlash tamoyillariga sodiq qolgan holda o‘zining ekologik strategiyasini amalga oshirishda davom etadi. Bugun joriy etilayotgan innovatsion mahsulotlar nafaqat mintaqada quyosh energiyasiga ortib borayotgan talabni qondiradi, balki mamlakat rahbariyati tomonidan belgilab berilgan ulkan barqaror rivojlanish maqsadlariga o‘z vaqtida javob bo‘ladi”, dedi Yaqin Sharq va Markaziy Osiyo mamlakatlari bo‘yicha Huawei Digital Power Smart PV Channel rahbari janob Chen Lyan
Huawei kompaniyasi hamkori Photomate bilan birgalikda Markaziy Osiyo distribyutor bozoriga kiruvchi yangi mahsulotlar taqdimotini o‘tkazdi. So‘nggi paytlarda uglerod neytralligi bo‘yicha global ijobiy o‘zgarishlarni hisobga olsak, O‘zbekiston mintaqada yashil rivojlanish bo‘yicha yetakchi o‘rinni egallab turibdi. Ushbu jarayonni tezlashtirish uchun Huawei Digital Power raqamli va quvvat elektronikasi texnologiyalarining konvergensiyasidan uchta ssenariyda foydalanadi: ishlab chiqarish, tijorat va sanoat (C&I) va turar-joy uchun mo‘ljallangan yirik elektr stansiyalari hamda PV stansiyasi uchun invertor tanlash ssenariylarning har birida muhim ahamiyatga ega.
Tadbirda ishtirokchilar nafaqat qayta tiklanadigan “quyosh” energetikasi sohasidagi innovatsion texnologiyalar bilan tanishdilar, balki panel sessiyasi davomida uglerod neytralligiga o‘tishni jadallashtirish masalalari, O‘zbekistonda hamkorlik ekotizimini rivojlantirish istiqbollarini muhokama qildilar va soha mutaxassislarini tayyorlash va ularning malakasini oshirishni yanada qo‘llab-quvvatlash zarurligini alohida ta’kidladilar.
“O‘zbekistonda quyosh energetikasi sanoati hali o‘zining dastlabki rivojlanish yo‘lida bo‘lsada, biz sezilarli yutuqlarni ko‘rishimiz mumkin. Davlat tomonidan kuchli yordam, yangi rag‘batlantirish dasturlari, fuqarolar va tijorat tashkilotlarining qiziqishi ortib bormoqda. Oldinda uzoq yo‘l bo‘lsa-da, biz mijozlarimiz va hamkorlarimizni qo‘llab-quvvatlashga sodiqmiz. Biz mutaxassislarning Huawei uskunalari bilan samarali ishlashi, hamkorlarimizga maksimal darajada texnik yordam ko‘rsatishi va bozorni yanada rivojlantirishga hissa qo‘shishi uchun ixtisoslashtirilgan treninglarni davom ettiramiz. Professional hamjamiyatni birlashtirgan va Huawei uskunasining ishonchliligini namoyish etish va uning afzalliklarini ta’kidlash imkonini beruvchi bunday tadbirlarni o‘tkazish biz uchun katta sharafdir”, deydi Photomate kompaniyasining Kavkaz va Markaziy Osiyo bo‘yicha mintaqaviy direktori Aleksandr Shamrov.
Tadbirda Huawei xavfsizlik yechimlarini yanada takomillashtirish, foydalanuvchilarga ko‘proq foyda keltirish, yashil energiya bilan ta’minlash va turli sohalarga moslashish uchun “Solar + Storage + Charging + Cloud” (“Quyosh energiyasi + saqlash tizimi + zaryadlash + bulut”) kompleks yechimini taqdim etdi. Ishtirokchilarga, shuningdek, tijorat va sanoat ssenariylari uchun yangi invertor, "Hexagon Warrior" SUN2000-150K-MG0 Smart String taqdim etildi. Yechim yuqori quvvat ishlab chiqarish, proaktiv xavfsizlik, uzoq muddatli ishonchlilik, soddalashtirilgan foydalanish va texnik xizmat ko‘rsatish, samarali maydonlarni joylashtirish va tarmoq mosligini o‘z ichiga oladi. Mahsulotning nominal quvvati 150 kVt (115 kVt dan) ga oshirildi va maksimal quvvat chiqishi 165 kVt ni tashkil etadi, bu C&I loyihalari uchun yuqori sifatli yechimlarni taqdim etishga qaratilgan.
Huawei 25 yildan buyon O‘zbekistonning AKT infratuzilmasini mustahkamlashda ishtirok etib kelmoqda va mijozlar hamda hamkorlarga ilg‘or texnologiyalar, uzluksiz innovatsiyalar, mahsulotlarni ta’minlash bilan birga mamlakatning “yashil” rivojlanishida raqamli yechimlarni joriy qilishni chuqurlashtirishda shu bilan bir qatorda hayot aylanishi xavfsizligi, uzoq muddatli va barqaror mahalliy yordam berishda davom etadi. Huawei FusionSolar sanoat va tijorat ssenariylarini o‘rganishda davom etadi, mijozlarga tejamkorroq va ishonchli yashil energiyani taqdim etadi va turli sohalardagi foydalanuvchilarga kam uglerodli transformatsiyani yakunlashda yordam beradi.
Huawei Digital Power raqamli energetika mahsulotlari va yechimlarining yetakchi global yetkazib beruvchisidir. 2023 yil oxiriga kelib Huawei Digital Power mijozlarga 997,9 milliard kVt/soat toza energiya ishlab chiqarish, 46,1 milliard kVt/soat elektr energiyasini tejash va CO2 emissiyasini 495 million tonnaga kamaytirishga yordam berdi, bu esa 680 million daraxt ekishga teng.
Reklama huquqi asosida
LiveBarchasi