Hamster tokenlari birjadan olib tashlanadi

north_east

Tekin pishloq qopqonda bo‘ladi. Hamster Kombat qanday o‘yin?

Joriy yilning 24 yanvar kuni HMSTR/EUR savdo juftligi Bybit kripto birjasidan olib tashlanadi. Bu haqda birjaning o‘zi ma’lum qildi.

Shunday qilib, 24 yanvardan boshlab mashhur Hamster Kombat o‘yinining tokeni birjalardan olib tashlanadi. Qayd etilishicha, bunday qaror valyutaning past likvidligi tufayli qabul qilingan. Ushbu xabar e’lon qilingandan beri Hamster Kombat tangasi deyarli 70 foizga o‘z qiymatini yo‘qotgan.

Platforma ma’muriyati bu qaror eng yaxshi savdo sharoitlarini ta’minlash va treyderlarni narxlarning keskin o‘zgaruvchanligidan himoya qilish uchun qabul qilinganligini tushuntirgan.

Shuningdek, birja 24 yanvar kuni soat 8:00 dan keyin HMSTR/EUR spot juftlik savdosi qo‘llab-quvvatlanmasligi va barcha kutilayotgan buyurtmalar avtomatik ravishda o‘chirilishini ham eslatgan. Bu degani aynan o‘sha kungacha savdolar amal qiladi.

Eslatib o‘tamiz, oldinroq Istiqbolli loyihalar milliy agentligi eng yirik kripto-birjalaridan biri – Binance tomonidan O‘zbekiston Respublikasi foydalanuvchilariga (rezidentlariga) xizmat ko‘rsatish yo‘lga qo‘yilishini ma’lum qilgandi.