Gvardiola Erling Xolandning transferi haqida gapirishni xohlamadi

“Manchester Siti” ustozi Xosep Gvardiola “Dortmund” hujumchisi Erling Xoland transferi haqidagi savolga javoban boshqa jamoa o‘yinchisini muhokama qilishni tasavvur qila olmasligini aytdi. Bu haqda ESPN nashri Pep Gvardiolaning so‘zlariga tayanib xabar berdi.

“Manchester Siti”ga kelganimdan beri har oy 50 nafar futbolchi bilan shartnoma imzolashimiz haqida gapirishadi. Erling Xoland? Men boshqa jamoadagi futbolchini muhokama qilishni tasavvur qila olmayman. Oldinda “Borussiya Dortmund” va bizni ajoyib o‘yinlar kutib turibdi. Mavsum oxirida transfer oynasi ochiladi va keyin ko‘p narsaga oydinlik kiritilishi mumkin. Men o‘tgan yili bizga keyingi 5-6 mavsum uchun hujumchi kerakligini aytgan bo‘lishim mumkin. Ammo muvaffaqqiyat yoki omadsizligimizni hujumchimiz bor-yo‘qligi bilan bog‘laydigan odam emasman”, degan Gvardiola.

Ma’lumot o‘rnida, “Manchester Siti” Angliya Premer ligasining joriy mavsumida 29 ta o‘yindan so‘ng, 70 ochko to‘plagan holda musobaqa jadvalida karvonboshilik qilmoqda.

Ma’ruf Abdumalikov