Gulerning “Real”dagi ehtimoliy debyuti sanasi ma’lum bo‘ldi
Sport
−
17 Oktabr 2023 3100
Himoyachi David Alaba va yarimhimoyachi Arda Guler “Real” klubining asosiy guruhi mashg‘ulotlariga qaytdi. Bu haqda “Marca” xabar berdi.
Manbaga ko‘ra, har ikki futbolchi ham Ispaniya chempionatining 10-turida “Sevilya”ga qarshi o‘yinda maydonga tushishi mumkin.
Alaba sentyabr oyida jarohat tufayli safdan chiqqan edi. 31 yoshli himoyachi La Liganing “Jirona” (3:0) va “Osasuna” (4:0) bilan o‘yinlarini, shuningdek, “Napoli” bilan Yevropa Chempionlar ligasi (3:2) o‘yinlarini o‘tkazib yubordi.
Guler shu yozda 20 million yevro evaziga “Real Madrid”ga o‘tgan va yangi jamoasida hali biror o‘yin o‘tkazmagan. 18 yoshli futbolchi “qirollik klubi” mashg‘ulotlaridan birida jarohat olgandi. Futbolchi operatsiya qilindi va shundan so‘ng tiklanish davrini to‘liq o‘tadi.
9 ta turdan keyin “qaymoqranglilar” 24 ochko bilan La Liga turnir jadvalida 1-o‘rinda bormoqda.
Live
Barchasi
