Gollar “yomg‘iri”: Parijdagi uchrashuvda PSJ “Bavariya”ni yengdi
Sport
−
29 aprel 4137 1 daqiqa
PSJ Chempionlar Ligasi yarim finalining dastlabki o‘yinida “Bavariya” ustidan 5:4 hisobida g‘alaba qozondi. Uchrashuv Parijdagi “Park de Prens” stadionida bo‘lib o‘tdi.
Birinchi bo‘limning o‘zida jamoalar beshta gol urdi va bu turnir yarim finallari tarixidagi ilk voqea sifatida qayd etildi.
Parijliklar safida Xvicha Kvaratsxeliya va Usmon Dembele dubl qayd etishdi (Dembele gollaridan birini penaltidan urdi). Maydon egalarining yana bir goliga Joau Nevesh mualliflik qildi. Myunxenliklar tarkibida esa Xarri Keyn (penaltidan), Maykl Olise, Dayo Upamekano va Luis Dias o‘z nomini tabloga yozdirib qo‘ydi.
Ma’lumot uchun, PSJ va “Bavariya” o‘rtasidagi javob uchrashuvi 6 may kuni Myunxenda bo‘lib o‘tadi. Ushbu juftlik g‘olibi finalda “Atletiko” – ”Arsenal” qarama-qarshiligi g‘olibi bilan kuch sinashadi.
Live
Barchasi
