Germaniyaning mag‘lubiyati Ekvadorni ham pley-offga olib chiqdi

Bugun, 26 iyun kuni Ekvador terma jamoasi 2026 yilgi Jahon chempionati guruh bosqichining so‘nggi turida Germaniyani 2:1 hisobida mag‘lub etib, pley-off bosqichiga yo‘l oldi.

Uchrashuv AQSHning Nyu-Jersi shtati, Ist-Raterford shahridagi “MetLayf” stadionida bo‘lib o‘tdi.

Ekvadorliklar safida Nilson Angulo 9-daqiqada, Gonsalo Plata esa 77-daqiqada gol urdi. Germaniya terma jamoasining yagona goliga 2-daqiqada Leroy Sane mualliflik qildi.

Ushbu g‘alaba orqali Ekvador 4 ochko bilan “E” guruhida uchinchi o‘rinni egalladi. Germaniya 6 ochko bilan birinchi, Kot-d’Ivuar ham 6 ochko bilan ikkinchi, Kyurasao esa 1 ochko bilan so‘nggi o‘rindan joy oldi.

Musobaqa nizomiga ko‘ra, har bir guruhda dastlabki ikki o‘rinni egallagan jamoalar hamda uchinchi o‘rinni olgan 12 terma jamoa orasidagi eng yaxshi sakkizta jamoa pley-off bosqichiga chiqadi. Ekvador uchinchi o‘rin egallagan jamoalar orasidagi eng yaxshi sakkitalikdan joy olishi kafolatlandi. Hozirda Lotin Amerikasi vakillari bu ko‘rsatkich bo‘yicha yetakchilik qilmoqda.