Gavi faoliyatini APLda davom ettirishi mumkin
Sport
−
12 aprel 2023 3016
Londonning “Chelsi” klubi “Barselona” yarim himoyachisi Gavini o‘z safiga qo‘shib olmoqchi. Bu haqda AS xabar berdi.
Manbaga ko‘ra, “Chelsi” vakillari allaqachon yosh futbolchining agenti bilan muzokaralarni boshlagan. London klubi mutasaddilari Gavini APLning eng yorqin futbolchilaridan biriga aylanishiga ishonmoqda.
Qayd etilishicha, tomonlarning uchrashuvi ijobiy tarzda o‘tgan va yaqin orada muzokaralarning ikkinchi bosqichi boshlanadi. Agar “Barselona” futbolchi bilan shartnomani uzaytirish bo‘yicha kelishuvga erisha olmasa, “Chelsi” Gavini iyul oyida tekinga o‘z safiga qo‘shib olishga harakat qiladi.
Ma’lumki, ispaniyalik mutaxassis Luis Enrike London klub bosh murabbiyiga aylanish ehtimoli bor. Bu holat Gavining “Chelsi”ga o‘tishi uchun yana bir turtki bo‘lishi mumkin.
