G7 davlatlari Rossiyaga eksportni to‘liq taqiqlashdan bosh tortdi – “Bloomberg”

G7 mamlakatlari Rossiyaga eksportni to‘liq taqiqlashdan bosh tortdi, muqobil sifatida yetkazib berish bo‘yicha mavjud cheklovlarni kengaytirishni tanladi. Bu haqda “Bloomberg” agentligi xabar qildi.

Agentlikka ko‘ra, G7 yetakchilari Xirosima sammitida qabul qilishi kerak bo‘lgan bayonot loyihasida dori-darmon, qishloq xo‘jaligi mahsulotlari va oziq-ovqatdan tashqari barcha eksportni taqiqlash bandi mavjud emas. 

Embargo o‘rniga G7 Rossiya harbiy mashinasi uchun muhim bo‘lgan taqiqlangan narsalar ro‘yxatini kengaytiradi. Gap sanoat uskunalari, elektrotexnika va sanoat ishlab chiqarishi, qurilish, transport va tadbirkorlik xizmatlari uchun boshqa tovarlar haqida bormoqda.

Amaldagi rejimga muvofiq, Rossiya Federatsiyasida barcha tovarlarni eksport qilishga ruxsat beriladi, sanksiyalar ostidagilar bundan mustasno.

Rossiyaga eksportni taqiqlash

2023 yil aprel oyi oxirida Ukrainaning ba’zi asosiy ittifoqchilari, jumladan, Qo‘shma Shtatlar Rossiyaga eksport qilinadigan mahsulotlarni to‘liq taqiqlash masalasini ko‘rib chiqqandi. Bu Rossiya Federatsiyasi boshlagan urush tufayli unga nisbatan iqtisodiy bosimning sezilarli darajada oshishiga olib kelishi mumkin. Bu g‘oya ba’zi mamlakatlar Rossiyaga katta hajmdagi tovarlarni eksport qilishda davom etayotganligidan kelib chiqadi.

Shuningdek, Yevropa Ittifoqi yaqin orada Rossiyaga qarshi 11-sanksiya paketini qabul qilishni rejalashtirmoqda. Rossiya gazini Yevropaga quvurlar orqali yetkazib berishni taqiqlashi kutilmoqda. Bu Rossiyaning Ukrainaga keng ko‘lamli bostirib kirishi boshlanganidan beri birinchi jiddiy gaz embargosidir.