Forishga sel keldi (video)
Jamiyat
−
30 iyul 2022 36312
Bugun, 30 iyul kuni Jizzax viloyatining Forish tumanida yomg‘ir yog‘ishi ortidan sel hodisasi kuzatildi. Bu haqda viloyat Favqulodda vaziyatlar boshqarmasi ma’lum qildi.
Forish tumani Uchma qishlog‘ida soat 16:15 larda kuzatilgan qisqa muddatli yog‘ingarchilik natijasida ariq suvlari keskin ko‘payib, ayrim joylarida o‘zanidan toshib chiqqan.
“Hodisa yarim soatga yaqin davom etib, aholi yashash joylari va ekin maydonlariga jiddiy talafot yetmagan. Jabrlanganlar yo‘q. Ayni vaqtda hodisa joyida FVB xodimlari tomonidan qo‘shimcha o‘rganish ishlari olib borilmoqda. Vaziyat nazorat ostida”, deyiladi FVB xabarida.
Qayd etilishicha, Jizzax viloyati Favqulodda vaziyatlar boshqarmasiga sel va toshqinlar bo‘yicha fuqarolardan murojaatlar kelib tushmagan.
Live
Barchasi
