Firminoning otasi vafot etdi
Sport
−
20 noyabr 2023 2562
“Liverpul” klubining sobiq hujumchisi Roberto Firminoning otasi Dubaydagi oilaviy bayram vaqtida yurak xurujidan vafot etdi. Bu haqda UOL xabar berdi.
Manbaga ko‘ra, 18 noyabr kuni 62 yoshli Xose Roberto Kordeyruning yuragi to‘satdan xuruj qilgan.
Hozirda Firminolar oilasi marhumning jasadini Kordeyru tug‘ilib-o‘sgan Maseyioga qaytarish uchun Braziliyaning BAAdagi elchixonasi bilan bog‘lanishga harakat qilmoqda.
Ma’lumot uchun, hozirda Roberto Firmino Saudiya Arabistonining “Al-Ahli” klubida to‘p tepmoqda. Joriy mavsumda braziliyalik futbolchi “Al-Ahli”ning 14 ta uchrashuvida qatnashib, 3 ta gol urdi va 3 ta golli uzatmani amalga oshirdi. Futbolchining Saudiya Arabistoni klubi bilan amaldagi shartnomasi 2026 yilning yoziga qadar tuzilgan.
Live
Barchasi
