Fazo: Qora tuynuk yulduzni parchalab yubordi

Galaktikaning markazida Qora tuynuk yulduzni parchalab tashladi. Bu haqda Rossiya Fanlar akademiyasining kosmik tadqiqotlar institutiga tayanib, RIA Novosti xabar bermoqda. 

Rossiya kosmik astrofizik observatoriyasi  “Spektr-RG” galaktika markazida supermassiv Qora tuynuk tomonidan yulduz vayron bo‘lishining boshlanishini qayd etgan. 

"Spektr-RG" quyoshdan ikki yarim milliard yorug‘lik-yil masofada galaktika markazida supermassiv Qora tuynuk yulduzga yaqinlashib kelishidan boshlab qayd etgan”, deyiladi institut xabarida. 

Ta’kidlanishicha, parchalangan yulduz moddalari akkretsion disk hosil qilmoqda va sekin-asta Qora tuynukka singib ketmoqda. 

Institutning ma’lum qilishicha, aynan ushbu akkretsion diskdan chiqqan yorug‘lik oldinroq o‘zini yorqin va yumshoq rentgen SRGe J131014.2+444315 manbasi sifatida namoyish qilgan. Ushbu holat observatoriyaning "Spektr-RG" bortida eROSITA teleskopi bilan uchinchi marotaba tekshirilganda aniqlangan.

Ma’lumot o‘rnida, "Spektr-RG"  2019 yilda kosmosga uchirib yuborilgan. Shu yilning oktyabr oyida qurilma yerdan bir yarim million kilometr uzoqlikdagi masofaga yetib borgan. Observatoriya esa osmonni 3 marotaba to‘liq skaner qilishga muvaffaq bo‘lgan. 

Lavochkin ilmiy-ishlab chiqarish birlashmasida qurilgan observatoriya ikkita teleskopni o‘z ichiga oladi: Maks Plank nomidagi Begona yer fizika institutining (Germaniya) eROSITA va  Rossiya Fanlar akademiyasining kosmik tadqiqotlar instituti va Serovdagi eksperimentalfizika Butunrossiya tadqiqotlar instituti, shuningdek, Xantsvilledagi ( Alabama shtati) Marshal nomidagi Kosmik parvozlar markazi tomonidan yaratilgan ART-XC.

Qayd etilishicha, "Spektr-RG" ning maqsadi butun osmonni yuqori aniqlikda suratga olish orqali to‘rt yil ichida koinot xaritasini tuzish. Jami 8 ta xarita, har biri olti oy davomida bitkaziladi. Eng so‘ngida esa sakkizta xaritadan eng anig‘i 2025 yillar atrofida yakunlanadi va e’lon qilinadi.