Фазо: Қора туйнук юлдузни парчалаб юборди

Галактиканинг марказида Қора туйнук юлдузни парчалаб ташлади. Бу ҳақда Россия Фанлар академиясининг космик тадқиқотлар институтига таяниб, РИА Новости хабар бермоқда. 

Россия космик астрофизик обсерваторияси  “Спектр-РГ” галактика марказида супермассив Қора туйнук томонидан юлдуз вайрон бўлишининг бошланишини қайд этган. 

"Спектр-РГ" қуёшдан икки ярим миллиард ёруғлик-йил масофада галактика марказида супермассив Қора туйнук юлдузга яқинлашиб келишидан бошлаб қайд этган”, дейилади институт хабарида. 

Таъкидланишича, парчаланган юлдуз моддалари аккрецион диск ҳосил қилмоқда ва секин-аста Қора туйнукка сингиб кетмоқда. 

Институтнинг маълум қилишича, айнан ушбу аккрецион дискдан чиққан ёруғлик олдинроқ ўзини ёрқин ва юмшоқ рентген SRGe J131014.2+444315 манбаси сифатида намойиш қилган. Ушбу ҳолат обсерваториянинг "Спектр-РГ" бортида eROSITA телескопи билан учинчи маротаба текширилганда аниқланган.

Маълумот ўрнида, "Спектр-РГ"  2019 йилда космосга учириб юборилган. Шу йилнинг октябрь ойида қурилма ердан бир ярим миллион километр узоқликдаги масофага етиб борган. Обсерватория эса осмонни 3 маротаба тўлиқ сканер қилишга муваффақ бўлган. 

Лавочкин илмий-ишлаб чиқариш бирлашмасида қурилган обсерватория иккита телескопни ўз ичига олади: Макс Планк номидаги Бегона ер физика институтининг (Германия) eROSITA ва  Россия Фанлар академиясининг космик тадқиқотлар институти ва Серовдаги эксперименталфизика Бутунроссия тадқиқотлар институти, шунингдек, Хантсвилледаги ( Алабама штати) Маршал номидаги Космик парвозлар маркази томонидан яратилган ART-XC.

Қайд этилишича, "Спектр-РГ" нинг мақсади бутун осмонни юқори аниқликда суратга олиш орқали тўрт йил ичида коинот харитасини тузиш. Жами 8 та харита, ҳар бири олти ой давомида битказилади. Энг сўнгида эса саккизта харитадан энг аниғи 2025 йиллар атрофида якунланади ва эълон қилинади.