Fati “Barselona”ni tark etishi mumkin
Sport
−
14 aprel 2023 5453 1 daqiqa
“Barselona” hujumchisi Ansu Fati klubni tark etishga yaqin turibdi. Bu haqda AS xabar berdi.
Manbaga ko‘ra, “Barselona” rahbariyati Fatining otasi Fati Boraning ommaviy bayonotlaridan norozi. Fati Bora ham “Barselona”dan norozi bo‘lmoqda. U Ansu klubni tark etishi kerak, deb hisoblamoqda, chunki futbolchi ko‘proq o‘yin amaliyotiga ega bo‘lmoqchi.
Qayd etilishicha, Ansu Fatiga “Manchester Yunayted” qiziqish bildirmoqda. Futbolchining o‘zi o‘yin amaliyoti ko‘proq berilsa, “Barselona”da qolishga ham qarshi emas.
Ma’lumot uchun, Ansu Fati “Barselona” tarbiyalanuvchisi hisoblanadi, u 9 yoshidan beri jamoa tizimida to‘p surib keladi. Hujumchi joriy mavsumda 40 o‘yinda 7 ta gol urdi va 3 ta golli uzatmani amalga oshirdi. Tomonlar o‘rtasidagi kelishuv 2027 yilning yoziga qadar mo‘ljallangan.
