Farg‘onada yana yong‘in. Bu safar bir kishi halok bo‘ldi (video)
3-sahifa
−
16:5511758
Farg‘ona shahridagi salidor va litol ishlab chiqarish sexida yong‘in sodir bo‘ldi. Mazkur holat yuzasidan viloyat Favqulodda vaziyatlar boshqarmasi munosabat bildirdi.
Qayd etilishicha, bugun, 21 dekabr kuni soat 14:13 da Farg‘ona shahar “Mustaqillik” MFY Kimyogar ko‘chasida joylashgan salidor va litol ishlab chiqarish sexida yong‘in sodir bo‘layotgani yuzasidan FVBga xabar kelib tushgan.
Yong‘in-qutqaruvchilar ekipaji hodisa joyiga 14:21 da yetib borib, 14:24 da yong‘inni o‘rab olgan va 14:32 da batamom o‘chirgan.
Bildirilishicha, hozirda yong‘inning kelib chiqishi sababi va zarari aniqlanmoqda. Yong‘in oqibatida bir nafar inson voqea joyida vafot etgan.
Eslatib o‘tamiz, avvalroq Farg‘ona viloyatining Farg‘ona shahrida joylashgan avtomobillarga yonilg‘i quyish shoxobchasida dahshatli yong‘in sodir bo‘lishi oqibatida 4 kishi vafot etgan edi.
Live
Barchasi
